ଯୁଦ୍ଧ ଭିତରେ ପ୍ରଥମ ଥର ଋଷ ଭିତରେ ପଶି ମିସାଇଲ ମାଡକଲା ୟୁକ୍ରେନ୍, ରୋସ୍ତୋକ୍ ସହରରେ ବ୍ୟାପକ କ୍ଷୟକ୍ଷତି

0
88
ଯୁଦ୍ଧ ଭିତରେ ପ୍ରଥମ ଥର ଋଷ ଭିତରେ ପଶି ମିସାଇଲ ମାଡକଲା ୟୁକ୍ରେନ୍, ରୋସ୍ତୋକ୍ ସହରରେ ବ୍ୟାପକ କ୍ଷୟକ୍ଷତି
ଯୁଦ୍ଧ ଭିତରେ ପ୍ରଥମ ଥର ଋଷ ଭିତରେ ପଶି ମିସାଇଲ ମାଡକଲା ୟୁକ୍ରେନ୍, ରୋସ୍ତୋକ୍ ସହରରେ ବ୍ୟାପକ କ୍ଷୟକ୍ଷତି

ଋଷ ଏବଂ ୟୁକ୍ରେନ୍‌ ଯୁଦ୍ଧ ବିଶ୍ବବାସୀଙ୍କ ପାଇଁ ଚିନ୍ତାର କାରଣ ପାଲଟିଛି । ୟୁକ୍ରେନ୍‌ ଭିତରେ ପଶି ଘନଘନ ମିସାଇଲ ମାଡ କରୁଛନ୍ତି ଋଷ ସେନା । ୩ପଟୁ ଘେରି ଯାଇ ଆକ୍ରମଣ ଜାରି ରଖିଛନ୍ତି ଋଷୀ ସୈନ୍ୟ । ଏହାରି ମଧ୍ୟରେ ଆଉ ଏକ ବଡ ‌ଖବର ସାମ୍ନାକୁ ଆସିଛି । ଋଷ ଘରେ ପଶି ଆକ୍ରମଣ କରିଛି ୟୁକ୍ରେନ୍‌ ସେନା । ଋଷର ରୋସ୍ତୋଗ୍‌ ସହରରେ ମିସାଇଲ ମାଡ କରିଛି ୟୁକ୍ରେନ୍‌ । ଆକ୍ରମଣ ମଧ୍ୟରେ ପ୍ରଥମ ଥର ପାଇଁ ଋଷ ସୀମା ଭିତରେ ପଶି ଦୁଃସାହସ ଦେଖାଇଛି ୟୁକ୍ରେନ୍‌ ।

ଅନ୍ୟୃପଟେ ୟୁକ୍ରେନର ଗୋଟିଏ ପରେ ଗୋଟିଏ ସ୍ଥାନରେ ମିସାଇଲ ମାଡ କରିଚାଲିଛି ଋଷ । ମିସାଇଲ ମାଡର ଗୋଟିଏ ପରେ ଗୋଟିଏ ଭିଡିଓ ସାମ୍ନାକୁ ଆସିବାରେ ଲାଗିଛି । ଏପରିକି ୟୁକ୍ରେନର ପରମାଣୁ ଘାଟିକୁ ମଧ୍ୟ ନିଜ କବଜାକୁ ନେଇସାରିଛି ଋଷ ସେନା । ଗତକାଲି ଠାରୁ ଯୁଦ୍ଧ ଆରମ୍ଭ ହୋଇସାରିଥିଲେ ସୁଦ୍ଧା ଚୁପ୍‌ ବସିଛି ନାଟୋ । ଶୁକ୍ରବାର ସନ୍ଧ୍ୟାରେ ଗୁରୁତ୍ବପୂର୍ଣ୍ଣ ବୈଠକ ଡକାଇଛି ନାଟୋ । ଭର୍ଚୁଆଲ ବୈଠକରେ ଆମେରିକା, ଇଂଲଣ୍ଡ ସମେତ ବଡବଡ ଦେଶ ଯୋଗ ଦେବେ । ଏହି ବୈଠକରେ ୟୁକ୍ରେନ-ଋଷ ଯୁଦ୍ଧ ନେଇ ଆର୍‌ ପାର୍ ନିଷ୍ପତ୍ତି ନିଆଯିବ ।

ସେପଟେ ୟୁକ୍ରେନ ମଧ୍ୟ ଋଷକୁ ଶେଷ ଚେତାବନୀ ଦେଇଛି । ଦେଶ ଭିତରେ ପଶି ଆକ୍ରମଣର ପରିଣାମ ଋଷ ଭୟଙ୍କର ଭାବେ ଭୋଗିବ ବୋଲି କହିଛନ୍ତି ୟୁକ୍ରେନ ରାଷ୍ଟ୍ରପତି ଜେଲେଂସ୍କି । ଅନ୍ୟପଟେ ଋଷର ଆଭିମୁଖ୍ୟ ଆଗକୁ କିଭଳି ରହିବ ତାହା ଉପରେ ମଧ୍ୟ ବିଶ୍ବବାସୀଙ୍କ ନଜର ରହିଛି । ବିଶ୍ବର ଦ୍ବିତୀୟ ଶକ୍ତିଶାଳୀ ସେନା ଋଷ ପଛଟୁ ହଟିବାର ସମ୍ଭାବନା ଖୁବ୍‌ କମ । ଏପଟେ ଋଷ ସହ ପୁରା ଦମରେ ଲଢୁଛି ୟୁକ୍ରେନ୍‌ । ସୈନ୍ୟ ସାମର୍ଥ୍ୟ କମ ଥାଇ ବି ପଛ ଘୁଞ୍ଚା କିମ୍ବା ଆତ୍ମସମର୍ପଣ କରୁନାହିଁ ୟୁକ୍ରେନ୍‌ ।

LEAVE A REPLY

Please enter your comment!
Please enter your name here