Wednesday, October 5, 2022
Homeଅପରାଧଯମ ରୂପୀ ଦାଦାର ବୀଭତ୍ସ କାଣ୍ଡ; ୪ ବର୍ଷୀୟା ଝିଆରୀକୁ ମାରିଲା ଟାଙ୍ଗିଆ ଚୋଟ

ଯମ ରୂପୀ ଦାଦାର ବୀଭତ୍ସ କାଣ୍ଡ; ୪ ବର୍ଷୀୟା ଝିଆରୀକୁ ମାରିଲା ଟାଙ୍ଗିଆ ଚୋଟ

ଘର ଆଗରେ ଖେଳୁଥିଲା ନିଷ୍ପାପ ୪ ବର୍ଷୀୟା ଶିଶୁ କନ୍ୟା। ଜାଣି ନ ଥିଲା ଘରେ ହିଁ ଲୁଚି ରହିଛି ଯମ । ସବୁ କିଛି ଠିକ୍‌ ଥିବା ବେଳେ ଅତର୍କିତ ଭାବେ ଯମ ରୂପୀ ଦାଦାର ଟାଙ୍ଗିଆ ଚୋଟରେ ଚାଲିଗଲା ନିରୀହ ଶିଶୁର ଜୀବନ । ଆଖି ପିଛୁଳାକେ ଖାଲି ହୋଇଗଲା ଏକ ମା’ର କୋଳ । ସବୁ କିଛି ଠିକ୍‌ ଚାଲିଥିବା ବେଳେ କାହିଁକି ଏପରି କାଣ୍ଡ ଘଟାଇଲା ଅଭିଯୁକ୍ତ ତାହାର ଜବାବ କାହା ପାଖରେ ନାହିଁ।
ଏଭଳି ଅଭାବନୀୟ ଘଟଣା ଦେବଗଡ଼ ଜିଲ୍ଲା ରିଆମାଳ ଥାନା ହେଟଖମାର ଗ୍ରାମରେ ଆଜି ସକାଳେ ଘଟିଛି । ମୃତା ଶିଶୁ ହେଲା ସୁଶାନ୍ତ ଭଇଁସାଙ୍କ ଝିଅ ରୋଜାଲିନ ଭଇଁସା । ଏହି ଘଟଣାରେ ପୁଲିସ୍‌ ତାଙ୍କ ସାନ ଭାଇ ନାଗାର୍ଜୁନ ଭଇଁସାକୁ ଅଟକ ରଖିଛି ।

ଆଜି ସକାଳେ ରୋଜାଲିନ ଘର ଆଗରେ ଖେଳୁଥିଲା। ଏହି ସମୟରେ ଅତର୍କିତ ଭାବେ ଦାଦା ନାଗାର୍ଜୁନ ଝିଆରୀ ବେକକୁ ଏକ ଟାଙ୍ଗିଆରେ ୨,୩ ଚୋଟ ମାରିଥିଲା। ଫଳରେ ଛୋଟ ଶିଶୁଟିର ମୁଣ୍ଡ, ଗଣ୍ଡି ଅଲଗା ହୋଇଯାଇଥିବା ବେଳେ ଏହା ଦେଖି ପରିବାର ଲୋକ ଏକ ପ୍ରକାର ସ୍ତବ୍ଧ ହୋଇ ପଡ଼ିଛନ୍ତି। ସ୍ଥାନୀୟ ଲୋକଙ୍କଠାରୁ ଖବର ପାଇ ପୁଲିସ୍‌ ପହଞ୍ଚି ନାଗାର୍ଜୁନକୁ ଅଟକ ରଖିଛି।

ସୁଶାନ୍ତ ଓ ନାଗାର୍ଜୁନ ୨ ଭାଇ ହୋଇଥିବା ବେଳେ ଏକାଠି ରୁହନ୍ତି । ପ୍ରାୟ ୧୫ ଦିନ ପୂର୍ବେ ନାଗାର୍ଜୁନ କେଉଁଆଡ଼େ ପଳାଇଥିବା ବେଳେ ପ୍ରାୟ ୭ ଦିନ ପୂର୍ବେ ଘରକୁ ଫେରିଥିଲା। ଏହାପରେ ତା’ଠାରେ ଅସ୍ୱାଭାବିକ ଆଚରଣ ପରିଲକ୍ଷିତ ହୋଇଥିଲା। ହେଲେ ହଠାତ୍‌ ଆଜି ଏପରି କାଣ୍ଡ ଘଟାଇବ ବୋଲି କେହି ବିଶ୍ୱାସ କରି ପାରୁ ନ ଥିବା ପରିବାର ସଦସ୍ୟ କହିଛନ୍ତି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି।

RELATED ARTICLES

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -spot_img

ଲୋକପ୍ରିୟ ଖବର