Sunday, October 2, 2022
Homeଅପରାଧପୂର୍ବ ଶତ୍ରୁତାରୁ ନୂଆଗାଁ ଛକରେ ବୋମା ମାଡ଼

ପୂର୍ବ ଶତ୍ରୁତାରୁ ନୂଆଗାଁ ଛକରେ ବୋମା ମାଡ଼

ଗଞ୍ଜାମ ଥାନା ଅନ୍ତର୍ଗତ ନୂଆଗାଁ ସ୍ଥିତ ୧୬ ନମ୍ବର ଜାତୀୟ ରାଜପଥ ପାର୍ଶ୍ଵରେ ଥିବା ଏକ ସଉଦା ଦୋକାନ ଉପରେ ବୋମା ମାଡ଼ ହୋଇଛି l ଏଥିରେ ଅଳ୍ପକେ ବର୍ତ୍ତିଛନ୍ତି ଦୋକାନ ମାଲିକ ରାମ ଗୌଡ଼ (୩୨)l ତାଙ୍କ ଡାହାଣ ଗୋଡ଼ରେ ସାମାନ୍ୟ ଆହତ ଲାଗିଥିବା ଜଣା ପଡିଛି l ଖବର ପାଇ ଛତ୍ରପୁର ଏସଡିପିଓ ଗୌତମ କିସାନ, ଗଞ୍ଜାମ ଥାନା ଆଇଆଇସି ସୁଦୀପ୍ତ କୁମାର ସାହୁ, ସେକେଣ୍ଡ ଅଫିସର ଅଜିତ କୁମାର ପରିଡା ଘଟଣା ସ୍ଥଳରେ ପହଂଚି ତଦନ୍ତ ଜାରୀ ରଖିଥିବା ଜଣା ପଡିଛି l

ଦୋକାନ ମାଲିକ ରାମଙ୍କ କହିବା ଅନୁସାରେ ସେ ଦୋକାନରେ ଶୋଇଥିବା ବେଳେ ଏହି ବୋମାମାଡ଼ ହୋଇଥିବା ସୂଚନା ମିଳିଛି l ଏତିକି ବେଳେ ନୀଳ ରଙ୍ଗର ଆପାଚି ବାଇକରେ ତିନି ଜଣ ବ୍ୟକ୍ତି ଆସି ପ୍ରଥମେ ଜଣେ ଯୁବକ ଦୋକାନ ସମ୍ମୁଖରୁ ଗୋଟିଏ ବୋମା ଫିଙ୍ଗିଥିଲେ l ଶବ୍ଦ ଶୁଣି ଉଠିବା ପରେ ଆଉ ଗୋଟେ ବୋମା ଫିଙ୍ଗିଥିଲେ ଓ ସେହି ବୋମା ତାଙ୍କ ଛାତିରେ ବାଜିଥିଲା କିନ୍ତୁ ବୋମା ଟି ଫୁଟି ନ ଥିଲା l ଲାଗ ଲାଗ ଚାରୋଟି ବୋମା ମାଡ଼ କରି ଦୁର୍ବୃତ୍ତ ମାନେ ଛତ୍ରପୁର ଆଡକୁ ଚାଲି ଯାଇଥିଲେ।

ସେମାନେ ଫିଙ୍ଗିଥିବା ୪ ଟି ବୋମା ମଧ୍ୟରୁ ଦୁଇଟି ଫୁଟିଥିବା ବେଳେ ଦୁଇଟି ଫୁଟିନଥିଲାl ଦୋକାନୀ ମାଲିକ ଅଭିଯୁକ୍ତଙ୍କୁ ଜାଣିଥିବା ଏବଂ ପୂର୍ବ ଶତ୍ରୁତାରୁ ସେ ଏହି ବୋମା ମାଡ଼ କରିଥିବା ପୋଲିସକୁ କହିଛନ୍ତି l ହାଇୱେ ପେଟ୍ରୋଲିଙ୍ଗ ଗାଡିର ସୀମାଞ୍ଚଳ ସାହୁ ଓ ଅନ୍ୟାନ୍ୟ ପୋଲିସ କର୍ମଚାରୀ ମାନେ ଆହତ ରାମଙ୍କୁ ଉଦ୍ଧାର କରି ଛତ୍ରପୁର ମେଡିକାଲ କୁ ଚିକିତ୍ସା ନିମନ୍ତେ ଆଣିଥିଲେ l

RELATED ARTICLES

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -spot_img

ଲୋକପ୍ରିୟ ଖବର