ଅପରାଧଓଡ଼ିଶା ଖବରନ୍ୟୁଜ୍

ନାବାଳିକାଙ୍କୁ କମେଣ୍ଟ ମାରିବା ନେଇ ନାବାଳକକୁ ହତ୍ୟା

ନାବାଳିକାଙ୍କୁ କମେଣ୍ଟ ମାରିବା ନେଇ ନାବାଳକକୁ ହତ୍ୟା

କୋରାପୁଟ ଟାଉନ ଥାନା ଅଞ୍ଚଳର ଜଣେ ନାବାଳିକାଙ୍କୁ କମେଣ୍ଟ ମରାକୁ କେନ୍ଦ୍ର କରି ତୁମୁଳକାଣ୍ଡ ଘଟିଛି । ଅଭିଯୁକ୍ତଙ୍କ ଆକ୍ରମଣରେ ନାବାଳିକାଙ୍କ ସହିତ ଥିବା ନାବାଳକଙ୍କ ମୃତ୍ୟୁ ଘଟିଛି । ଅନ୍ୟପଟେ, ଏହି ଘଟଣା ପରେ ଅଭିଯୁକ୍ତମାନେ ଘଟଣା ସ୍ଥଳରୁ ଚମ୍ପଟ ମାରୁଥିବା ବେଳେ ବାଇକ ଦୁର୍ଘଟଣାରେ ମୁଖ୍ୟ ଅଭିଯୁକ୍ତର ଜୀବନ ଚାଲି ଯାଇଛି । ଏହି ଘଟଣାରେ ପୋଲିସ ଦୁଇ ଅଭିଯୁକ୍ତଙ୍କୁ ଗରିଫ କରିବା ସହିତ ଜଣେ ନାବାଳକଙ୍କୁ ଅଟକ ରଖିଥିବା ଏଏସ୍‌ି ବିମଳକାନ୍ତ ବ୍ରହ୍ମା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ସୂଚନା ଅନୁଯାୟୀ, କୋରାପୁଟ ରଙ୍ଗବାଲି କୁମ୍ଭା ଗ୍ରାମ ଦେଇ ଜଣେ ନାବାଳକ ନିଜ ନାବାଳିକା ବାନ୍ଧବୀଙ୍କୁ ବାଇକରେ ବସାଇ କୋଲାବ ଜଳଭଣ୍ଡାର ଆଡକୁ ଯାଉଥିଲେ । ଏହି ସମୟରେ ଛକରେ ବସି ଖଟି କରୁଥିବା ୩ଜଣ ଯୁବକ ଓ ଜଣେ ନାବଳକ ବାଇକରେ ଥିବା ନାବାଳିକାଙ୍କୁ ଆପତିଜନକ ମନ୍ତବ୍ୟ ଦେବା ପରେ ଉଭୟ ପକ୍ଷ ମଧ୍ୟରେ କଥା କଟାକଟି ହୋଇଥିଲା । ପରେ ଏହାକୁ କେନ୍ଦ୍ର କରି ମାରପିଟ ହୋଇଥିଲା । ଏଥିରେ ନାବାଳିକାଙ୍କ ସହିତ ଥିବା ନାବାଳକ ଗୁରୁତର ଆହାତ ହୋଇଥିଲେ ।

ଏହା ଦେଖିବା ପରେ ନାବାଳିକା ଜଣକ ବ୍ୟସ୍ତ ବିବ୍ରତ ହୋଇ ପଡିଥିଲେ । ଏକ ବୋଲେରୋକୁ ଅଟକାଇ ଗୁରୁତର ନାବାଳକକୁ କୋରାପୁଟ ଏସ୍‌ଏଲ୍‌ଏନ୍‌ କଲେଜ ଓ ଡାକ୍ତରଖାନାରେ ଭର୍ତ୍ତି କରାଇଥିଲେ । କିନ୍ତୁ ସ୍ୱାସ୍ଥ୍ୟବସ୍ଥା ସଂକଟାପନ୍ନ ଥିବାରୁ ତାଙ୍କୁ ବିଶାଖାପାଟଣା ସ୍ଥାନାନ୍ତର କରାଯାଇଥିଲା । ଅନ୍ୟପଟେ ନାବାଳକଙ୍କୁ ଆକ୍ରମଣ କରିବା ପରେ ମୁଖ୍ୟ ଅଭିଯୁକ୍ତ (ନାବାଳକ) ଅନ୍ୟ ଜଣେ ଅଭିଯୁକ୍ତଙ୍କ ସହିତ ବାଇକରେ ଚମ୍ପଟ ମାରିବାକୁ ଉଦ୍ୟମ କରିବା ସମୟରେ ବାଇକ ଦୁର୍ଘଟଣାଗ୍ରସ୍ତ ହେବାରୁ ଘଟଣାସ୍ଥଳରେ ହିଁ ମୁଖ୍ୟ ଅଭିଯୁକ୍ତଙ୍କ ମୃତ୍ୟୁ ହୋଇ ଯାଇଥିଲା ।

ଅନ୍ୟପଟେ ବିଶାଖାପାଟଣା ଚିକିତ୍ସିତ ହେଉଥିବା ନାବାଳକ ଜଣଙ୍କ ମୃତ୍ୟୁ ଘଟିଛି । ଏନେଇ ମୃତ ନାବାଳକଙ୍କ ବାପା କୋରାପୁଟ ଟାଉନ ଥାନରେ ଏତଲା ଦେବା ପରେ ପୋଲିସ ଛାନଭିନ୍ନ ଆରମ୍ଭ କରିଥିଲା । ଏହି ଘଟଣାରେ ପୋଲିସ ଶିବ ପୁଜାରି ଓ ଦାଶରଥୀଙ୍କୁ ଗିରଫ କରିଛି । ଏଥିସହ ଜଣେ ନାବାଳକଙ୍କୁ ଅଟକ ରଖି ପଚରାଉଚୁରା କରାଯାଉ ଥିବା କୋରାପୁଟ ଏଏସ୍‌ପି ଶ୍ରୀ ବ୍ରହ୍ମା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

Related posts

ବାବା ସାହେବ ଆମ୍ବେଦକରଙ୍କ ଜୟନ୍ତୀ ଦେଶର ସୁଯୋଗ୍ୟ ସନ୍ତାନ ଥିଲେ

Odisha Halchal

ହ୍ରିତିକ୍‌ଙ୍କ ପରିବାର ସବା ଆଜାଦଙ୍କର ନେଉଛନ୍ତି ବିଶେଷ ଯତ୍ନ, ଅଭିନେତ୍ରୀ ସେୟାର କଲେ ଫଟୋ

Odisha Halchal

ବଢିଲା ଅଶୋଧିତ ତୈଳ ଦର, ୧୦୦ ଡଲାର ପାରି କଲା ବ୍ୟାରେଲ ପିଛା ଦର, ସୁନା ୫୧୫୦୦ ପାର୍‌

Odisha Halchal

Leave a Comment