ନାବାଳକଙ୍କୁ ଅପହରଣ ଉଦ୍ୟମ ଅଭିଯୋଗରେ ତିନି ଅଭିଯୁକ୍ତ ଅଟକ

0
60
ନାବାଳକଙ୍କୁ ଅପହରଣ ଉଦ୍ୟମ ଅଭିଯୋଗରେ ତିନି ଅଭିଯୁକ୍ତ ଅଟକ
ନାବାଳକଙ୍କୁ ଅପହରଣ ଉଦ୍ୟମ ଅଭିଯୋଗରେ ତିନି ଅଭିଯୁକ୍ତ ଅଟକ

ସିମୁଳିଆ ଥାନା ଅଡ଼ା ଅଞ୍ଚଳରୁ ଜଣେ ନାବାଳକକୁ ଅପହରଣ ଉଦ୍ୟମ ଅଭିଯୋଗରେ ପୋଲିସ ଗୋଟିଏ ପରିବାରରୁ ୩ ଜଣଙ୍କୁ ଅଟକ ରଖି ଘଟଣାର ଛାନଭିନ ଚଳାଇଛି l ଗତକାଲି ଅଡ଼ା ଛତ୍ରପୁର ଅଞ୍ଚଳର ଦୀନବନ୍ଧୁ ଦାସଙ୍କ ପରିବାର ବାଡ଼ ଘେରିବା ବେଳେ ସେହି ଗାଁର ମାନା ସେଠିଙ୍କ ନାବାଳକ ପୁଅ ଦିନେଶ ସେଠାରେ ପହଞ୍ଚି ତାକୁ ତାଙ୍କ ଘରେ ନିର୍ଯାତନା ଦିଆଯାଉଥିବା କହିଥିଲା l

ତେଣୁ ତାକୁ ସୁରକ୍ଷିତ ସ୍ଥାନରେ ଛାଡ଼ିବାକୁ ନିବେଦନ କରିଥିଲା l ଦୀନବନ୍ଧୁ ଓ ତାର ପରିବାର ନାବାଳକ ଦୀନେଶକୁ ରମ୍ଭିଣା ଗାଁର ମାନା ଦାସ ଘରେ ଛାଡିଥିବା କହୁଛନ୍ତି l ହେଲେ ଦୀନେଶ କହୁଛି ମୋତେ ଦୀନବନ୍ଧୁଙ୍କ ପରିବାର ଏକ ଅଖାରେ ପୁରାଇ ମାନା ଦାସ ଘରେ ବାନ୍ଧି ରଖିଥିଲେ l

କୌଣସି ସୂତ୍ରରୁ ଖବର ପାଇ ଦିନେଶଙ୍କ ପରିବାର ମାନା ଦାସଙ୍କ ଘରୁ ତାକୁ ଉଦ୍ଧାର କରିଥିଲେ l ପରେ ଅଡ଼ା ଗାଁ ଲୋକ ଦୀନବନ୍ଧୁ ଦାସ, ପୁଅ ତାପସ ସ୍ତ୍ରୀ ରୁକ୍ମଣୀଙ୍କୁ ଅଟକ ରଖି ସିମୁଳିଆ ପୋଲିସ ପାଖରେ ଜିମା ଦେଇଛନ୍ତି l ପୋଲିସ ଏବେ ଏହି ଘଟଣାର ଘଟଣାର ତଦନ୍ତ ଆରମ୍ଭ କରିଛି ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.