Sunday, October 2, 2022
Homeଦେଶ ବିଦେଶଦଳୀୟ କନ୍ଦଳ ଯୋଗୁଁ କ୍ଷମତା ହରାଉଛି କଂଗ୍ରେସ

ଦଳୀୟ କନ୍ଦଳ ଯୋଗୁଁ କ୍ଷମତା ହରାଉଛି କଂଗ୍ରେସ

ଉତ୍ତର ପ୍ରଦେଶ, ପଂଜାବ, ଉତ୍ତରାଖଣ୍ଡ ସମେତ ୫ଟି ରାଜ୍ୟ ବିଧାନସଭା ନିର୍ବାଚନର ଫଳାଫଳ ଆସିଛି । ଏହି ୫ଟି ରାଜ୍ୟରେ ୬୮୦ଟି ଆସନରୁ କଂଗ୍ରେସ ୫୬ଟି ଆସନରେ ବିଜୟୀ ହୋଇଛି । ପଂଜାବରେ ନିଜର ସରକାର ହରାଇଛି । ଏଥି ସହିତ ଏବେ କଂଗ୍ରେସ ଦେଶର ୫ଟି ରାଜ୍ୟରୁ ମୂଳପୋଛ ହୋଇଛି । ଛତିଶଗଡ଼ ଓ ରାଜସ୍ଥାନରେ କଂଗ୍ରେସର ବହୁମତ ସରକାର ଅଛି । ଝାଡ଼ଖଣ୍ଡ ଓ ମହାରଷ୍ଟ୍ରରେ ସହଯୋଗୀ ଦଳର ଭୂମିକା ତୁଲାଉଛି ।

କଂଗ୍ରେସ ପାଇଁ ବିଧାନସଭା ନିର୍ବାଚନ ଫଳାଫଳ ବାହାରିବା ପରେ ଚିନ୍ତା ବଢ଼ିଛି । କାରଣ ୬୯୦ ଆସନରୁ କଂଗ୍ରେସ ୬୮୦ଟି ସ୍ଥାନରେ ନିଜର ପ୍ରାର୍ଥୀ ଦେଇଥିଲା । କିନ୍ତୁ ୮୨ ପ୍ରତିଶତ ପ୍ରାର୍ଥୀ ନିର୍ବାଚନରେ ହାରିଗଲେ ।

୨୦୧୪ ଲୋକସଭା ନିର୍ବାଚନରେ କଂଗ୍ରେସର ଗ୍ରାଫ ନିମ୍ନଗାମୀ ହେଉଛି । ୨୦୧୪ ଲୋକସଭା ନିର୍ବାଚନରେ କଂଗ୍ରେସ ୪୪ଟି ଆସନରେ ବିଜୟୀ ହୋଇଥିଲା । ଏହା ପରେ ଦେଶରେ ୯ ବର୍ଷ ମଧ୍ୟରେ ୫୦ଟି ବିଧାନସଭା ନିର୍ବାଚନ ହୋସାରିଛି । ୧୧ଟି ରାଜ୍ୟରେ କଂଗ୍ରେସ ଜିତିଛି । କିନ୍ତୁ ଅନେକ ରାଜ୍ୟରେ ଦଳୀୟ କନ୍ଦଳ ଯୋଗୁଁ ପାର୍ଟିକୁ କ୍ଷମତା ହରାଇବାକୁ ପଡ଼ିଛି ।

ମଧ୍ୟପ୍ରଦେଶ ହେଉଛି ଏହାର ବଡ଼ ଉଦାହରଣ । ୨୦୧୮ରେ କଂଗ୍ରେସ ସରକାର ଗଢ଼ିଥିଲା । କିନ୍ତୁ ଦେଢ଼ ବର୍ଷରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ସହିତ କଂଗ୍ରେସର ଅନେକ ବିଧାୟକ ବିଜେପିରେ ସାମିଲ ହୋଇଥିଲେ । ଫଳରେ କମଳନାଥଙ୍କ ସରକାର ଖସିଯାଇଥିଲା । କର୍ଣ୍ଣାଟକ ଓ ଅରୁଣାଚଳ ପ୍ରଦେଶରେ ମଧ୍ୟ ସମାନ ପରିସ୍ଥିତି ଦେଖାଯାଇଥିଲା ।

RELATED ARTICLES

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisment -spot_img

ଲୋକପ୍ରିୟ ଖବର