ଖେଳୁ ଖେଳୁ ମା’କୁ ଗୁଳି ମାରିଦେଲା ୩ ବର୍ଷର ଛୁଆ

0
39
ଖେଳୁ ଖେଳୁ ମା’କୁ ଗୁଳି ମାରିଦେଲା ୩ ବର୍ଷର ଛୁଆ
ଖେଳୁ ଖେଳୁ ମା’କୁ ଗୁଳି ମାରିଦେଲା ୩ ବର୍ଷର ଛୁଆ

ବନ୍ଧୁକରେ ଖେଳିବା ହେଲା କାଳ। ଗୁଳି ଫୁଟି ୩ ବର୍ଷର ଛୁଆ ହାତରେ ଚାଲିଗଲା ମା’ର ଜୀବନ। ଆଖିପିଛୁଳାକେ ଟଳିପଡିୟଲେ ମା’। ଏଭଳି ଅଭାବନୀୟ ଘଟଣା ଘଟିଛି ଆମେରିକାର ଚିକାଗୋରେ।

ସୂଚନା ମୁତାବକ, ଶନିବାର ସନ୍ଧ୍ୟାରେ ମିଡୱେଷ୍ଟର୍ଣ୍ଣ ସହରର ଉପନଗର, ଡୋଲ୍ଟନର ଏକ ସୁପରମାର୍କେଟ ସ୍ଥିତ ପାର୍କିଂ ସ୍ଥଳରେ ଏହି ଦୁର୍ଘଟଣା ଘଟିଛି। ପିଲାଟି କାର୍‌ ପଛରେ ବେବି ସିଟ୍‌ରେ ବସିଥିଲେ। କାର୍‌ ଆଗରେ ବସିଥିଲେ ବାପା-ମା’। ତେବେ ପିଲାଟି ପାଖରେ ଥିବା ନିଜ ବାପାର ବନ୍ଧୁକକୁ ଖେଳଣା ଭାବୁ ଖେଳିବାକୁ ଲାଗିଥିଲେ। ତେବେ ହଠାତ୍‌ ଦୁର୍ଘଟଣାବସତଃ ସେଥିରୁ ଗୁଳି ଫୁଟି ଯାଇଥିଲା। ସେହି ଗୁଳି ଯାଇ କାର୍‌ ଆଗରେ ବସିଥିବା ୨୨ ବର୍ଷୀୟା ମା’ ଡେଜାହ ବେନେଟ୍‌ଙ୍କ ବେକ ପଛ ପଟେ ବାଜିଥିଲା।

ଏହାପରେ ତାଙ୍କୁ ତୁରନ୍ତ ଚିକାଗୋ ହସ୍ପିଟାଲକୁ ଅଣାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଘଟଣାରେ ପୁଲିସ ଛୁଆର ବାପାଙ୍କୁ ଅଟକ ରଖି ତଦନ୍ତ ଜାରି ରଖିଛି। ଏକ ଆକଳନ ଅନୁଯାୟୀ, ପ୍ରତିବର୍ଷ, ନାବାଳିକାଙ୍କ ଦ୍ୱାରା ଅଜାଣତରେ ଗୁଳି ଫୁଟିବା ଦ୍ୱାରା ହାରାହାରି ୩୫୦ ଜଣଙ୍କର ମୃତ୍ୟୁ ହେଉଛି। ଆମେରିକାରେ ବନ୍ଧୁକ କିଣିବା ଏବଂ ଘରେ ରଖିବା ଅତ୍ୟନ୍ତ ସହଜ।

LEAVE A REPLY

Please enter your comment!
Please enter your name here