ମୋବାଇଲରେ ଅନଲାଇନ ଗେମ ଖେଳିବା ହେଲା କାଳ । ଅନଲାଇନରେ ଗେଳ ଖେଳି ଯୁବକ ଜଣକ ୧୦ ହଜାର ଟଙ୍କା ହରାଇଲେ । ଟଙ୍କା ହାରିବା ପରେ ଆତ୍ମହତ୍ୟା କରି ଜୀବନ ହାରିଲେ ଯୁବକ ଜଣକ ।ଏଭଳି ଘଟଣା ଘଟିଛି କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ମାନପୁର ଗାଁରେ । ତେବେ ମୃତ ଯୁବକ ଜଣକ ହେଉଛନ୍ତି ଆଶିଷ କୁମାର ଦାସ ।
ସୂଚନା ଅନୁସାରେ , ଆଶିଷ ଅନଲାଇନରେ ଗେମ୍ ଖେଳିବା ବେଳେ ୧୦ ହଜାର ଟଙ୍କା ହାରିଯିବାରୁ ସେ ଭାଙ୍ଗିପଡିଥିଲେ । ଫରେ ଫ୍ୟାନରେ ଗାମୁଛା ଲଗାଇ ଆତ୍ମହତ୍ୟା କରିଛନ୍ତି ।ସେପଟେ ପରିବାର ଲୋକଙ୍କ କହିବା ଅନୁସାରେ, ଆଶିଷ ଘର କବାଟ ଭିତର ପଟୁ ବନ୍ଦ କରିଦେଇଥିଲେ ।
ପରେ ପରିବାର ଲୋକେ ଝରକା ପଟୁ ଦେଖିଲା ବେଳକୁ ସେ ଫ୍ୟାନରେ ଝୁଲୁଥିଲେ ।ତାଙ୍କୁ ସେଠାରୁ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରିଥିଲେ ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିବା ଜଣାପଡିଛି ।
